నీవే చాలయ్యా యేసు నీవే చాలయ్యా
నా జీవితానికి నీవే మేలయ్యా (2)
ప్రేమించువాడవు పాలించువాడవు
క్షమియించువాడవు నీవే యేసయ్యా (2)
నా కన్నీటి లోయలో నను లేవదీసిన
నీవే చాలయ్యా యేసు నీవే మేలయ్యా (2)
1. ప్రేమించువారు లేక పక్షినైతిని
దరిచేర్చేవారు లేక దూరమైతిని (2)
క్షమియించేవారు లేక దోషినైతిని
పాప పరిహారము కోరి నిన్ను చేరితి
నా పాపాన్ని నీ ఓర్చి నను మనిషి చేసిన
నీవే చాలయ్యా యేసు నీవే చాలయ్యా (2)
2. నేను పుట్టక ముందే నీవు నన్ను చూచితివి
రూపించ బడకముందే నన్ను ఎరిగితివి (2)
పిండముగా ఉన్నప్పుడే నన్ను ఏర్పరచితివి
ఏ అర్హత లేకున్నా నన్ను ప్రేమించితివి
నీ కల్వరి ప్రేమతో నను గెలుచుకొన్నట్టి
నీవే చాలయ్యా యేసు నీవే చాలయ్యా (2)
(Neeve Chalayyaa Yesu Neeve Chalayyaa Naa Jeevithaaniki)