దేవుడే నాకాశ్రయంబు – దివ్యమైన దుర్గము

దేవుడే నాకాశ్రయంబు – దివ్యమైన దుర్గము

మహా వినోదు డాపదల – సహాయుడై నన్ బ్రోచును

అభయ మభయ మభయ మెప్పు – డానంద మానంద మానంద మౌగ 

1. పర్వతములు కదిలిన నీ – యుర్వి మారు పడినను

సర్వమున్ ఘోషించుచు నీ – సంద్ర ముప్పొంగినన్

2. దేవుడెపుడు తోడుగాగ – దేశము వర్ధిల్లును

ఆ తావు నందు ప్రజలు మిగుల – ధన్యులై వసింతురు

3. రాజ్యముల్ కంపించిన భూ – రాష్ట్రముల్ ఘోషించిన

పూజ్యుండౌ యెహోవా వైరి – బూని సంహరించును

4. విల్లు విరచు నాయన తెగ – బల్లెము నరకు నాయన

చెల్ల చెదర జేసి రిపుల – నెల్ల ద్రుంచు నాయనే

5. పిశాచి పూర్ణ బలము నాతో – బెనుగులాడ జడియును

నశించి శత్రు గణము దేవు – నాజ్ఞ వలన మడియును

6. కోటయు నాశ్రయమునై యా – కోబు దేవు డుండగా

ఏటి కింక వెరవ వలయు – నెపుడు నాకు బండుగ

(Devude Naakaasrayambu Divyamaina Durgamu)