స్తుతించెదను స్తుతించెదను – నా యేసు ప్రభున్ కృతజ్ఞతతో

స్తుతించెదను స్తుతించెదను – నా యేసు ప్రభున్ కృతజ్ఞతతో అనుదినము       

1. ఉన్నత దేవుడు సర్వాధిపతియు – ఉర్వి పరిపాలక (2)

     ఉన్నతం విసర్జించి నన్ను వెదకిన – ఉత్తమ స్నేహితుని (2)

     ఉదయం సంధ్యా ఎల్లప్పుడును – ఉత్సాహ ధ్వనితో పాడెదను (2)        

2. నాశనకరమైన పాప గుంట నుండి – నరక వేదన నుండి (2)

     నన్ను విడిపించి నిలిపిన దేవా – నిర్మల స్వరూప (2)

     నీతి సమాధానం సంతోషముతో – నిత్య జీవము నాకిచ్చితివి (2)        

3. పాపము క్షమించి రోగము బాపి – భయమును దీర్చి (2)

     పవిత్రదాయక పావన మూర్తి – పరిశుద్ధ మిచ్చిన (2)

     పరమ పాదం శరణ్యం నాకు – పరమ రాజా పుణ్య దేవా (2)   

4. తల్లి గర్భమునకు ముందేర్పరచి – దేహము నమర్చియును (2)

     దక్షిణ బాహుతో పట్టుకొనిన – దయా సంపూర్ణుడా (2)

     దిక్కు జయము ఆదరణయు – దయతో అనుగ్రహించితివి (2)        

5. సిలువనెత్తి శ్రమలు సహించి – సేవకు పిలచిన (2)

     స్నేహ దర్శక వీర యోధ – సంశయ హారకా (2)

     శ్రమలు నింద ఆకలియైన – నీ స్నేహమునుండి ఎడబాపునా (2) 

(Sthuthinchedanu Sthuthinchedanu Naa Yesu Prabhun)