ప్రేమ యేసుని ప్రేమ అది ఎవ్వరు కొలువలేనిది

ప్రేమ యేసుని ప్రేమ అది ఎవ్వరు కొలువలేనిది

నిజము దీనిని నమ్ము ఇది భువి అందించలేనిది

 

“అ. పల్లవి”    ఎన్నడెన్నడు మారనిది నా యేసుని దివ్య ప్రేమ

                        ఎన్నడెన్నడు వీడనిది నా యేసుని నిత్య ప్రేమ 

 

1. తల్లిదండ్రుల ప్రేమ నీడ వలె గతియించును

కన్నబిడ్డల ప్రేమ కలలా కరిగిపోవును

 

2. భార్యా భర్తల మధ్య వికసించిన ప్రేమ పుష్పము

వాడిపోయి రాలును త్వరలో మోడులా మిగిలిపోవును 

 

3. బంధుమిత్రులయందు వెలుగుచున్న ప్రేమ దీపము

నూనె ఉన్నంత కాలమే వెలుగునిచ్చి ఆరిపోవును

 

4. ధరలోన ప్రేమలన్నియు స్థిరము కావు తరిగిపోవును

క్రీస్తు యేసు కల్వరి ప్రేమా కడవరకు ఆదరించును

 

(Prema Yesuni Prema Adi Yevvaru Koluvalenidi)