నీ కృప నిత్యముండును –  నీ కృప నిత్య జీవము

నీ కృప నిత్యముండును –  నీ కృప నిత్య జీవము

నీ కృప వివరింప నా తరమా యేసయ్యా (2)

నీతిమంతుల గుడారాలలో వినబడుచున్నది – రక్షణ సంగీత సునాదము (2)       

1. శృతి ఉన్న పాటలకు విలువలు ఉన్నట్లె

     కృతజ్ఞతనిచ్చావు కృపలో నిలిపావు (2)

     కృంగిన వేళలో నను లేవనెత్తిన చిరునామా నీవేగా (2)            ||నీ కృప||

2. ప్రతి చరణము వెంట పల్లవి ఉన్నట్లె

     ప్రతి క్షణమున నీవు పలుకరించావు (2)

     ప్రతికూలమైన పరిస్థితిలన్నియు కనుమరుగైపోయెనే (2)         ||నీ కృప||

3. అనుభవ అనురాగం కలకాలమున్నట్లె

     నీ రాజ్యనియమాలలో నిలువనిచ్చావు (2)

     రాజమార్గములో నను నడుపుచున్న రారాజువు నీవేగా (2)        ||నీ కృప||

(Nee Krupa Nityamundunu – Nee Krupa Nityajeevamu)