దైవతనయా క్రీస్తునాథుండా అయ్యా పాపులకై

దైవతనయా క్రీస్తునాథుండా అయ్యా పాపులకై ప్రాణమిచ్చితివా

దేవుడే నిను పంపినాడా

1. పాపులకై వచ్చినావా పాపులను కరుణించినావా

ప్రాణదానము చేసినావా – దేవా – పరలోకము తెరచినావా

2. కల్వరిలో కార్చినట్టి దివ్యరక్తముచే మమ్ము

కడిగి పావన పరచినావా – దేవా – కడకు బూరతో రానై యున్నావా

3. మరణము జయించినావా మరణముల్లు విరచినావా

మహిమతోడ లేచినావా – దేవా – మాదు చింతలు దీర్చినావా

4. ధరణిలో అతి దుష్టులముగా దారి తెలియక దూరమైతిమి

ధరణికే ఏతెంచినావా – దేవా – ధన్యులనుగా జేసినావా

5. ఆదియంతము లేనివాడా అందరికిని దేవుడవు

అల్ఫయు ఓమేగయు నీవేగా – యేసు – ఆర్భటించుచు రానై యున్నావా

(Daivathanayaa Kreesthunaathundaa Ayyaa Paapulakai Praanamicchithivaa)