దేవుని ప్రేమ యిదిగో – జనులారా భావంబునందెలియరే

దేవుని ప్రేమ యిదిగో – జనులారా భావంబునందెలియరే

కేవలము నమ్ముకొనిన – పరలోక జీవంబు మనకబ్బును

1. సర్వలోకము మనలను తన వాక్య సత్యంబుతో జేసెను

సర్వోపకారుడుండే – మన మీద జాలిపరుడై యుండెను

2. మానవుల రక్షింపను దేవుండు తన కుమారుని బంపెను

మన శరీరము దాల్చెను ఆ ప్రభువు మన పాపమునకు దూరుడే

3. యేసు క్రీస్తను పేరున రక్షకుడు వెలసినాడిల లోపల

దోసకారిజనులతో – నెంతో సు – భాషలను బల్కినాడు

4. పాప భారంబుతోడ నే ప్రొద్దు – ప్రయాసములు బొందెడి

పాపులందురు నమ్మిన – విశ్రాంతి – పరిపూర్ణ మిత్తుననెను

5. సతులైన పురుషులైనన్‌ – యాకర్త సర్వజనుల యెడలను

సత్ప్రేమగ నడిచెను – పరలోక సద్భోదలిక జేసెను

6. చావు నొందిన కొందరిన్‌ – యేసుండు – చక్కగా బ్రతికించెను

సకల వ్యాధుల రోగులు – ప్రభు నంటి – స్వస్థంబు తా మొందిరి

7. గాలి సంద్రపు పొంగులన్‌ – సద్ధణపి – నీళ్లపై నడచినాడే

మేలుగల యద్భుతములు ఈలాగు వేలకొలదిగజేసెను

8. చేతుల కాళ్లలోనూ రా రాజు – చేర మేకులు బొందెను

పాతకులు గొట్టినారే పరిశుద్ధ నీతి తామోర్వ లేకన్‌

9. ఒడలు రక్తము గారగ దెబ్బలు చెడుగులందఱు గొట్టిరి

పడి ముళ్లు తలమీదను బెట్టిరి ఓర్చెనో రక్షకుండు

10. ఇన్ని బాధలు బెట్టుచు – దను జంపు – చున్న పాప నరులను

మన్నించుమని తండ్రిని యేసుండు సన్నుతితో వేడెను  

11.రక్షకుడు శ్రమబొందగా దేశంబు తక్షణము చీకటియ్యెను

రక్షకుడు మృతి నొందగా – తెర చినిగి – రాతి కొండలు పగులెను

12. రాతి సమాధిలోను – రక్షకుని నీతిగల దేహంబును

పాతి పెట్టిరి భక్తులు – నమ్మిన నాతు లందఱు జూడగా

13. మూడవ దినమందున యేసుండు మృతి గెల్చి లేచినాడు

నాడు నమ్మిన మనుజులు – చూచిరి – నలువది దినములందున్‌  

14. పదినొకండు మారులు వారలకు – బ్రత్యక్షు డాయె నేసు

పరలోకమున కేగెను – తన వార్త బ్రకటించు మని పల్కెను

15. నమ్మి బాప్తిస్మ మొందు – నరులకు – రక్షణ మరి కల్గును

నమ్మనొల్లక పోయెడు – నరులకు నరకంబు సిద్ధమనెను  

(Devuni Prema Idigo Janulaara Bhaavambunandeliyare)