కల్వరి ప్రేమను తలంచునప్పుడు

కల్వరి ప్రేమను తలంచునప్పుడు – కలుగుచున్నది దుఃఖం

ప్రభువా నీ శ్రమలను ధ్యానించునప్పుడు – పగులుచున్నది హృదయం (2)

1. గెత్సేమనే అను తోటలో – విలపించుచు ప్రార్ధించు ధ్వని

నలువైపులా వినబడుచున్నది – పగులుచున్నవి మా హృదయములు

కలుగుచున్నది దుఃఖం

2. సిలువపై నలుగ గొట్టిననూ – అనేక నిందలు మోపిననూ

ప్రేమతో వారిని మన్నించుటకై – ప్రార్ధించిన ప్రియ యేసు రాజా

మమ్మును నడిపించుము

3. మమ్మును నీవలె మార్చుటకై – నీ జీవమును ఇచ్చితివి (2)

నేలమట్టుకు తగ్గించుకొని – సమర్పించితివి కరములను

మమ్మును నడిపించుము

(Kalvari Premanu Thalanchunapudu Kaluguchunnadi Duhkham)