ఏ పాపమెరుగని – యో పావన మూర్తి

ఏ పాపమెరుగని – యో పావన మూర్తి – పాప విమోచకుండ

నా పాలిదైవమా – నా పాపముల కొర – కీపాట్లు నొందినావా – 2

1. ముళ్ళతో కిరీట – మల్లి నీ శిరముపై – జల్లాటమున మొత్తిరా

ముళ్ళ పోట్లకు శిరము – తల్లడిల్లగ సొమ్మ – సిల్లిపోతివ రక్షకా – 2

2. కలువరిగిరి దనుక – సిలువ మోయలేక – కలవరము నొందినావా

సిలువ నీతో మోయ – దులువలు వేరొకని – తోడుగా నిచ్చినారా – 2

3. చెడుగు యూదులు బెట్టు – పడరానిపాట్లకు – సుడివడి నడిచినావా

కడకు కల్వరిగిరి – కడకేగి సిల్వను – గ్రక్కున  దించినారా – 2

4. ఆ కాలకర్ములు – భీకరంబుగ నిన్ను – యా కొయ్యపై నుంచిరా

నీ కాలు సేతులు – ఆ కొయ్యకే సూది – మేకులతో గ్రుచ్చినారా – 2

5. పలు విధంబుల శ్రమలు – చెలరేగ దండ్రికి – నెలుగెత్తి మొరలిడితివా

సిలువపై బలుమారు – కలుగుచుండెడి బాధ – వలన దాహమునాయెనా – 2

(Ye Paapamerugani Yo Paavana Moorthy Paapa Vimochakundaa)